مستقبل أنسو فاتي مازال مجهول ووكيله يترك الأمور غامضه
مازال الغموض يلف مستقبل أنسو فاتي نجم نادي برشلونه، وسط كثرة الكلام وقلة التوضيح بخصوص وش راح يصير معه الموسم الجاي. الجماهير مو عارفه إذا اللاعب بيكمل ولا بيبحث عن فرصه ثانيه برا النادي.
في تصريح قصير لبرنامج “الشيرينغيتو”، وكيل أعماله خورخي مينديز قال جملة بسيطه بس زادت الحيره: “لا بأس، كل شيء على ما يرام” هالكلام فتح باب التفسيرات والتكهنات، لأنه ما حسم أي شي.
فاتي يحاول يرجع نفسه ضمن تشكيله فليك، خصوصًا إن الإصابات أثرت عليه كثير بالفترات الماضيه ومع إنه رجع يشارك شوي، بس الواضح إنه للحين ما حصل الاستمراريه اللي كان يتمناها، وهذا الشي مأثر عليه نفسيًا.
المدرب هانز فليك طلع قبل كم يوم وقال إن اللاعب “خطى خطوه للأمام”، بمعنى إنه يتحسن في التدريبات، بس ما أعطى أي إشاره واضحه عن نواياه بالموسم الجاي.
برشلونه للحين ما طلع بأي تصريح رسمي بخصوص مصير فاتي، والجمهور منقسم، في ناس تشوف إنه يستحق فرصه جديده، وناس تقول الأفضل يطلع إعاره أو بيع عشان يرجع مستواه ويكسب دقائق لعب أكثر.
الميركاتو قرب، والأنظار على فاتي… هل يبقى ويقاتل؟ ولا يختار طريق ثاني؟
