لويس إنريكي مطمئن قبل مواجهه آرسنال ويؤكد باريس مش هيقف
قبل المواجهه المنتظره قدام آرسنال فـ نص نهائي دوري أبطال اوروبا، ظهر لويس إنريكي مدرب باريس سان جيرمان بثقه كبيره ومفيش قلق.
وقال فـ تصريحات لجريده “ليكيب” الفرنساويه: “انا مبسوط من أداء فريقي، خلقنا حوالي 30 فرصه تهديف، وكنا الأخطر طول الماتش، الهزيمه مش قلقاني خالص قبل آرسنال”.
وأضاف إنريكي: “نيس كان اكثر فعاليه قدام الجون، سجل من 3 فرص بس، واحنا كنا نستحق التقدم فـ الشوط الأول، بس الكوره مبتعترفش غير بالاهداف”.
تابع المدرب الاسباني: “كنا عايزين نكمل بدون خساره فـ الدوري، بس الهزيمه دي مش هتعطل حلمنا الكبير، اللي هو الوصول لنهائي دوري ابطال اوروبا”.
وكمل كلامه وقال: “باريس سان جيرمان هو افضل فريق فـ فرنسا، وعندنا كل الإمكانيات اللي تخلينا نحقق المجد الأوروبي الشجاعه والتركيز مطلوبين عشان نحول الحلم لحقيقه”.
وختم حديثه: “طبيعي اللاعبين يحسو بالحزن بعد الخساره، بس خدنا درس مهم، الفاعليه هي اللي بتحسم الماتشات”.
باريس مستمر فـ طريقه، ومستنيين قمه نار قدام آرسنال!
