هانز فليك يجهز مفاجأة ناريه بتشكيلة برشلونه قدام ريال مدريد الليله
الجماهير مستنيه كلاسيكو نار الليله بين برشلونه وريال مدريد، اللي هيكون ع ملعب لاكارتوخا فـ اشبيليه، بنهائي كأس ملك اسبانيا ٢٠٢٥.
برشلونه داخل وهو متفوق فـ آخر مواجهتين ضد الريال بالدوري وكمان فاينال السوبر. بس الإرهاق مأثر ع اللعيبه بسبب ضغط المباريات من بعد التوقف الدولي.
مفاجأة فليك اللي اتكلمت عنها صحيفه “سبورت” الإسبانيه، إنه بيفكر يبدأ بهيكتور فورت فـ مركز الظهير الأيسر بدل جيرارد مارتن.
فورت تألق بشكل كبير قدام ريال مايوركا الماتش اللي فات فـ الدوري، وخطف أنظار المدرب.
أليخاندرو بالدي لسه مصاب، فبقي المكان فاضي، وفليك شايف إن فورت هجومي أكتر من مارتن اللي شاطر بس فـ الدفاع والالتحامات.
كده خط دفاع برشلونه الليله هيكون: كوندي ع اليمين، كوبارسي ومارتينيز قلوب دفاع، وفورت ع الشمال.
الكل مترقب ومتحمس يشوف إزاي هتأثر المفاجأه دي ع شكل المباراه، واللي أكيد هتكون مولعه من أول دقيقه.
