كيسيه يطمن جماهير الأهلي قبل مواجهة الهلال المرتقبة في الآسيوية
قبل المواجهة المنتظرة بين الأهلي والهلال في نصف نهائي دوري أبطال آسيا للنخبة، خرج النجم الإيفواري فرانك كيسيه يطمن جماهير الأهلي برسائل حماسية ومليانة ثقة.
كيسيه قال في تصريحاته: “عارفين إن المباراة قدام الهلال مش سهلة خالص، لكن إحنا جاهزين ومستعدين كويس المدرب الألماني ماتياس يايسله أعطانا نصائح وتعليمات مهمة عشان نواجه الهلال بأفضل طريقة.”
وأضاف كيسيه: “أنا نفس اللاعب اللي كنت موجود الموسم اللي فات، لكن الفرق دلوقتي إن عندنا فريق متحد ومنسجم أكتر، الروح الجماعية عالية جدا، وده اللي ممكن يفرق معانا في مباراة زي دي.”
وأكد كيسيه على أهمية التركيز الكامل في مباراة الهلال، وقال: “مباراة الغد هي الأهم بالنسبة لينا دلوقتي، مش بنفكر في النهائي، كل تركيزنا على الهلال وبس.”
تصريحات كيسيه زادت من حماس جماهير الأهلي اللي بتحلم بعبور الهلال والتأهل للنهائي الكبير الكل منتظر يشوف الأداء اللي وعد بيه نجم الوسط الإيفواري وزمايله.
