لابورتا يكشف تفاصيل مكالمته مع بيريز بعد تتويج برشلونة بكأس الملك
بعد فوز برشلونة على ريال مدريد ٣-٢ في نهائي كأس ملك أسبانيا، طلع خوان لابورتا، رئيس البارسا، وحكى عن تفاصيل الحوار اللي دار بينه وبين فلورنتينو بيريز، رئيس الريال، بعد الماتش.
لابورتا قال: “فلورنتينو بيريز كلمني وباركلي بعد النهائي، وعلاقتنا فيها أحترام متبادل” كلام بسيط بس معناه كبير، خصوصًا وسط التوتر اللي كان حاصل قبل الماتش.
وآدي كمان لابورتا لمس حته مهمة، وهي اعتراض ريال مدريد قبل اللقاء على طاقم التحكيم وطلب تغييره، بس رغم ده، الحكم فضل زي ماهو وماتغيرش.
لابورتا وضح الموضوع أكتر وقال: “إحنا خدنا اعتراضهم كأنه مجرد استراتيچية، وركزنا على الكوره بس، عشان نعمل ماتش ممتع للجماهير.”
وأضاف كمان: “ماأنجرفناش للجدال اللي ملوش لازمة، إحنا كان تركيزنا كله على الفوز بالبطولات، واللي بيحصل برا الملعب ده بنعتبره ضوضاء مش أكتر ومش بتأثر علينا.”
الفوز ده جاي في وقته للبارسا، اللي بيحاول يرجع تاني لحصد البطولات ويثبت إنه راجع أقوى من أي وقت فات.
