خورخي خيسوس يثير الجدل بتصرف غريب قبل قمة الهلال ضد الأهلي
شهدت تدريبات الهلال استعدادًا لمواجهة الأهلي في نصف نهائي دوري أبطال آسيا للنخبه تصرف ملفت من مدرب الفريق البرتغالي خورخي خيسوس، قبل بداية المران الختامي وقبل ساعات قليلة من المباراة المرتقبة.
خيسوس فاجأ كل الموجودين لما قرر يبعد عن اللاعبين والجهاز الفني، وقعد لوحده على دكة الاحتياط ومعاه ورقة وقلم.
كان مركز جدًا وكاتب حاجات محدش عرفها، وده خلا الفضول يسيطر على بعض اللاعبين اللي كانوا بيبصوا عليه من بعيد.
التصرف الغريب ده اعتبره البعض إنه دليل على تركيز خيسوس العالي ورغبته إنه يجهز التشكيلة الأمثل اللي يقدر بيها يتخطى الأهلي، خصوصًا وان المباراة دي مفيش فيها مجال للأخطاء أو التعويض.
الهلال داخل المباراة دي بروح معنوية عالية بعد الفوز الكبير اللي حققه في ربع النهائي قدام غوانغجو بسباعية نظيفة على ملعب الإنماء، وعايز يواصل العروض القوية ويحجز بطاقة التأهل للنهائي.
الجمهور الهلالي كله مترقب يعرف إيه اللي خططله خيسوس، وهل خطته هتكون فعلاً مفاجأة قدام الأهلي ولا لأ؟
