فينيسيوس قريب من التجديد ورودريغو محتار بمستقبله في ريال مدريد
الاخبار طالعه من داخل ريال مدريد إن فينيسيوس جونيور قريب مره من تجديد عقده، وبيصير الأعلى بين زملائه من ناحية الراتب، وهذا بعد ما اثبت نفسه بالفريق وصار من اهم الركايز، وفعلاً قرب حتى يترشح للكره الذهبيه.
بس الوضع مختلف تمامًا عند رودريغو، اللاعب البرازيلي الثاني، اللي واضح عليه الزعل والحيره، خصوصًا بعد كلام طلع من لاعب قديم في الريال قال فيه ان رودريغو افضل تقنياً من فيني، وانه يشوف اللعب ويسجل اهداف احسن، لكن فينيسيوس اسرع ويشتغل ع نفسه اكثر.
رودريغو حاس ان مكانه بالفريق ماعاد مضمون، والكل شايف انه ما قدر يثبت نفسه بشكل ثابت بالتشكيله، بالعكس فينيسيوس بدايته كانت صعبه ومع ذلك صبر واشتغل على نفسه، وتحت إشراف انشيلوتي قدر يتطور وصار نجم الفريق.
الحين فيه شائعات تقول رودريغو ممكن يطلع من النادي، خصوصًا مع صعوبه انه يلقى فرصه مستمره، رغم ان بعض المحللين يشوفون انه ممكن يكون حل امام الدفاعات اللي تتكتل، بس الواضح ان فينيسيوس هو اللي كسب الرهان.
