خيسوس يدور بديل لكانسيلو بعد إصابته قبل قمة الأهلي الآسيوية
البرتغالي خورخي خيسوس، مدرب الهلال، داخل على تحدي جديد قبل موقعة نصف نهائي دوري أبطال آسيا قدام الأهلي، بعد ما تأكد غياب مواطنه جواو كانسيلو بسبب تمزق تعرض له في آخر مباراة ضد غوانغجو.
خيسوس حالياً يحاول يلقى الحل المناسب لسد الفراغ اللي بيتركه كانسيلو، وجرّب كذا تكتيك في مناورة الفريق يوم الإثنين، بس للحين ما وضّح قراره النهائي، وكل شي يتم بسرية تامه.
المصادر تقول إن المدرب مو حاب يكشف التشكيلة، ويخلي عنصر المفاجأة حاضر، خصوصاً ان المباراة كبيره ومصيريه، وكل تفصيل فيها يفرق.
القرار النهائي حول التشكيلة بيكون في الاجتماع الفني قبل المباراة بساعات، وهناك بيتحدد من يبدأ ومن يجلس ع الدكه.
الهلال يدخل المباراة وهو عينه ع الفوز، وخيسوس يبغى تشكيله متناسقه وتقدر تقدم المطلوب، حتى مع غياب اسم كبير زي كانسيلو.
واللي واضح إن المدرب واثق من البدائل اللي عنده، وكل شي يتجهز بهدوء داخل المعسكر الأزرق.
