بيلينغهام يثير الجدل بعد رفضه مصافحة لاعبي برشلونة بالكأس
رغم إن مباراة نهائي كأس الملك خلصت بتتويج برشلونة بعد فوزه على ريال مدريد، إلا إن اللقطات اللي طلعت بعد اللقاء لسى حديث الناس، خصوصًا الفيديو اللي انتشر للاعبين البارسا وهم يسوّون الممر الشرفي.
فيه لقطة أثارت الجدل بقوه، وهي إن كل لاعبين ريال مدريد سلموا على لاعبي برشلونة، إلا لاعب واحد بس اللي تجاهلهم وما مد يده، وهو جود بيلينغهام.
البعض قال إن السبب يرجع لحالة الغضب اللي كانت مسيطره عليه بعد الخسارة والطرد اللي تعرض له، واللي واضح إنه مأثر عليه نفسيًا، بينما فيه ناس شافوا إنها حركه غير رياضية، وإنه المفروض يلتزم بالروح الرياضية مهما كانت النتيجة.
المشهد انتشر بسرعه على السوشيال ميديا، وبدأت المقارنات بين تصرفه وتصرف باقي لاعبين الريال، اللي تعاملوا مع الموقف بهدوء وسلّموا بشكل عادي.
للحين ما طلع أي تعليق رسمي من بيلينغهام أو النادي عن الموضوع، بس أكيد إن اللقطه هذي راح تظل مثار نقاش لفتره طويله، خصوصًا مع الحساسيات الكبيره بين جماهير الفريقين.
