بيريز يعطل انتقال أنشيلوتي للبرازيل والهلال يدخل على الخط بقوه
تواصلت المفاجآت الكبيره حوالين مستقبل المدرب الإيطالي كارلو أنشيلوتي، مدرب ريال مدريد، بعد ما كانت الأمور شبه محسومه لقيادته لمنتخب البرازيل، بداية من الصيف الجاي.
وبحسب تقارير طلعت الساعات الأخيره، ريال مدريد ورئيسه فلورنتينو بيريز كانو هما السبب الرئيسي في تعطيل الصفقة، لأنهم يبغون أنشيلوتي يستمر معاهم خصوصًا في بطولة كأس العالم للأندية.
أنشيلوتي كان خلاص اتفق مع الاتحاد البرازيلي، وكان ناوي يترك الريال بنهاية الموسم، لكن فجأه الأمور تعطلت، وصارت في نقاشات جديده.
صحيفة “ماركا” الإسبانية قالت إن النادي ما كان عنده مانع في تفاوض المدرب، لكنهم رفضو يوقع عقد رسمي مع البرازيل وهو لسى يدرب الفريق، عشان ما يأثر على تركيزه في الليجا.
كمان مصادر قريبه من أنشيلوتي نفت إنه رفض عرض البرازيل عشان الفلوس، بالعكس، هو يبغى يحترم عقده مع ريال مدريد للنهاية.
المدرب الإيطالي راح يجتمع قريب مع الاتحاد البرازيلي عشان يناقشون تعديلات في البنود.
وبنفس الوقت، نادي الهلال السعودي دخل على الخط وعرض عليه تدريب الفريق الموسم الجاي، خاصة بعد تراجع نتائج خيسوس والحديث الكبير عن رحيله.
