لامين جمال يتصدر قائمة التمريرات البينية في دوري أبطال أوروبا 2025
النجم الشاب لامين جمال مستمر في تألقه الكبير الموسم ده في دوري أبطال أوروبا، واللي بيثبت كل يوم إنه من أكتر اللاعبين الموهوبين على الساحة الكروية ولامين قدر يتصدر قائمة اللاعبين الأكثر تنفيذًا للتمريرات البينية في البطولة، بعد ما سجل 11 تمريرة بينية، متفوقًا على كتير من نجوم أوروبا الكبار.
بخلاف أهدافه وتحركاته، هو كمان بيظهر في كل مباراة بمستوى عالى من النضج التكتيكي اللي ممكن نلاقيه عند لاعبين أكبر منه سنًا بكتير وده دليل على إنه مش بس عنده مهارات فردية، لكن كمان عنده رؤية كروية تجعله من أهم لاعبي برشلونة في دوري الأبطال.
لامين جمال رغم إنه لسه شاب، إلا إن طريقة لعبه بتخلي أي حد يشوفه يشك إنه لاعب عنده خبرة سنوات في أوروبا. تمركزه داخل الملعب وقدرته على قراءة اللعب، بتخليه يمرر كرات مميزة تفتح دفاعات الفرق المنافسة بسهولة.
مع الوقت، لامين هيكون من أهم النجوم اللي هتدور حولهم الأضواء في السنوات الجاية، ومش غريب لو كان هو اللي هيدير معركة دوري الأبطال مع برشلونة.
