ريال مدريد يجهز ضربه جديده ويخطف موهبه ريفر بليت من يونايتد
انتشرت تقارير صحفيه اليوم إن ريال مدريد قرّب جدا من إنه يحسم صفقه اللاعب الارجنتيني الشاب فرانكو ماستانتونو، اللي بيعتبر واحد من أميز المواهب في قاره امريكا الجنوبيه، وده بيخليه هدف لكتير من الانديه الكبيره في اوروبا، وعلى رأسهم مانشستر يونايتد.
شبكه “TyC Sports” قالت إن وكيل ماستانتونو بلغ إداره يونايتد إن اللاعب لسه ماخدش قراره، لكنه مستني اتصال رسمي من ريال مدريد، اللي بالنسباله هو الخيار الاول، وعايز يمشي على خطى لاعبين زي فينيسيوس، رودريجو واندريك.
ماستانتونو اللي عنده 17 سنه، ظهر بشكل مبهر مع ريفر بليت وسجل هدف وهو عنده 16 سنه وخمس شهور، وده خلى اسمه يتكتب في تاريخ النادي كأصغر هداف ليه.
اللاعب من مواليد 14 اغسطس 2007، وبدأ مشواره في نادي ريفر دي ازول وبعدها راح سيمينتو، لحد ما وصل لأكاديميه ريفر بليت في 2019 ومن ساعتها وهو بيمثل منتخبات الارجنتين للناشئين والشباب.
يونايتد مهتم، بس رغبه اللاعب واضحه هو عايز مدريد وبس.
