أسعار الذهب تقفز عالميًا مع تصاعد التوترات الجيوسياسية وتأثيرها على حركة تداول الذهب اليوم
في تطورات جديدة تشهدها أسواق الذهب اليوم، لاحظ عدد كبير من المواطنين تذبذب واضح في الأسعار مع استمرار التوترات الجيوسياسية في آسيا، خاصة بين الهند وباكستان، الوضع لم يمر مرور الكرام على التجار ولا حتى الناس العادية اللي بقت تتابع أخبار الذهب وكأنها تتابع نشرة الأحوال الجوية، كل يوم تلاقي حد بيسأل: بكام الجرام النهاردة؟
أسعار الذهب النهاردة سجلت اختلافات ملحوظة، أهمها كان في عيار 21، اللي هو دائمًا الأكثر طلبًا والأوسع انتشارًا في السوق المصري، في تعاملات مساء يوم الأربعاء الموافق 7 مايو 2025، وصل سعر جرام الذهب عيار 24 حوالي 5530 جنيه، وسجل عيار 21 حوالي 4840 جنيه للجرام، أما عيار 18 فكان عند 4149 جنيه للجرام، والجنيه الذهب وصل لـ 38720 جنيه، الأسعار دي بتعكس حالة عدم الاستقرار العالمية والمحلية، مع شوية قلق واضح باين في كلام الناس في السوق.
التوترات الجيوسياسية وتأثيرها المحدود
الغريب في الأمر إن رغم تصاعد التوترات بشكل واضح وسيطرة أخبار العمل العسكري بين الهند وباكستان على المشهد في آسيا، موضوع الخوف الكبير أو "الرعب" زي ما بيتصور البعض، ماكانش موجود عند المتعاملين في الأسواق هناك، يمكن ده اللي خلى أسعار الذهب سواء عالمياً أو محلياً تعمل حركة عكس توقعات كتير من المحليين وحتى الناس اللي بتشتغل في البورصة، يعني باختصار، التصعيد ده ما زودش رغبة الناس في شراء الذهب كملاذ آمن زي المعتاد في الحوادث الجيوسياسية الخطيرة.
تحركات عقود الذهب عالمياً
وفقا لتقرير لجنة تداول السلع الآجلة في أمريكا، واللي دايمًا الناس المهتمة تراقبه باعتباره مؤشر على اتجاهات المتداولين، بين إن فيه انخفاض واضح في عقود شراء الذهب الآجلة، عدد العقود نزل بحوالي 18519 عقد مقارنة بالأسبوع اللي فات، بينما انخفضت كمان عقود البيع بحوالي 6459 عقد، حركة السوق دي بتعكس مزاج تحوط وتردد، مع غياب اتجاه واضح وسط حالة القلق اللي خلقها الوضع السياسي الآسيوي.
وفي الأخير، يفضل الناس متابعين ومستنيين أي خبر جديد يمكن يأثر على سعر الجرام، وماحدش قادر يجزم هنتجه لفين: فوق ولا تحت، لكن الواضح للجميع إن الذهب بقى حديث الشارع المصري في كل بيت وفي كل جلسة قعدة ومقابلة على القهوة.
