ارتفاع قياسي للحديد اليوم الإثنين 5-5-2025 مع وصول الطن إلى 40 ألف جنيه
تشهد أسواق مواد البناء في مصر حالة من الاستقرار الملحوظ في أسعار الحديد، مع بداية الأسبوع الأول من شهر مايو 2025، حيث لم تسجل الأسعار أي تحركات مفاجئة أو كبيرة في المدة الأخيرة وفقا لما أكد عدد من المسؤولين في القطاع، التجار والمستهلكين بقوا في حالة ترقب، لكن الغالبية ارتاحت بعد استمرار الأسعار على نفس المستويات اللي استقرت عليها من شهرين تقريباً، وكل المؤشرات بتقول إن الأسعار ممكن تتحرك بشكل بسيط في الفترة الجاية.
أسعار الحديد بين الاستقرار واحتمالية التغيير
بحسب المعلومات الأخيرة واللي حصلنا عليها من السوق، سعر طن الحديد في مصر لسه بيترواح من 38 ألف جنيه لحد 38500 جنيه عند باب المصنع، أما لو هتوصل للزبون النهائي أو المستهلك، فالأسعار بتزيد حوالي 1000 جنيه على كل طن وده بيتوقف على نوع الشركة أو المحافظة اللي انت فيها، وبكده يوصل سعر الحديد للمستهلك حوالي 40 ألف جنيه للطن الواحد، وأحياناً أكتر شوية في بعض المحافظات اللي بعيدة عن مناطق الإنتاج.
تصريحات أحمد الزيني حول استقرار الأسعار
في حديث خاص لـأحمد الزيني، رئيس شعبة مواد البناء بالغرفة التجارية بالقاهرة، أكد استقرار الأسعار عند الشركات والتجار بدون مفاجآت، وقال إن أسعار البيع للتجار اتراوحت اليوم بين 39200 جنيه لحد 40 ألف جنيه للطن، وده مؤشر إيجابي يخلي السوق مستقر ويمنع حدوث اضطرابات كبيرة في الأسعار.
تفاصيل أسعار أبرز شركات الحديد
سعر حديد عز سجل 38800 جنيه للطن، وسعر حديد بشاي بـ38600 جنيه، أما حديد المصريين وصل لـ38500 جنيه، وحديد الجارحي نزل لـ36000 جنيه، وكمان في أغلب المصانع التانية، الأسعار وقفت عند حدود 38200 لـ38500 جنيه للطن تسليم أرض المصنع.
والحديد طبعا ليه أهمية كبيرة في سوق البناء، ومشروعات كتير واقفة منتظرة حركة الأسعار، وبشكل عام، متوسط سعر الحديد في السوق بيدور حوالين 38200 جنيه للطن، لكنه ساعات بيعدي حاجز الـ40 ألف جنيه عند بعض الموزعين في محافظات بعيدة أو حسب اختلاف نوع الشركة ومكان المصنع ومناطق التوزيع.
السوق هادي دلوقتي، لكن الكل متابع بحذر تحسبا لأي تغييرات مفاجئة يكون وراها تحركات في الأسعار سواء بالزيادة أو النزول.
