ارتفاع مفاجئ بأسعار الذهب اليوم في مصر خلال التعاملات المسائية
شهدت السوق المصرية اليوم هدوءا ملحوظا في تعاملات الذهب، حيث حافظت الأسعار على استقرارها وسط ترقب كبير من المتابعين والمستثمرين، ويأتي هذا الاستقرار تزامنا مع توقف التداولات العالمية للمعدن الأصفر، بعد دخول البورصات الدولية في إجازة، حالة الترقب واضحة في السوق المصري، خاصة أن الكثير من الناس يتابعون حركة أسعار الذهب يوم بيوم، واللي عنده ذهب بيحرص يعرف الأسعار باستمرار خوفا من أي تغيير مفاجئ، وبدت حالة الهدوء واضحة في محلات الصاغة اللي التزمت بعرض الأسعار صباح اليوم بدون تغييرات كبيرة عن أمس.
تفاصيل أسعار الذهب اليوم في مصر
استقر سعر الذهب عيار 21، اللي يعتبر الأكثر مبيعًا والأوسع تداولًا بين المصريين، عند حدود 4640 جنيه، وبيتراوح أحيانا لـ 4650 جنيه للجرام الواحد حسب المنطقة، أما باقي الأعيرة، فجاءت كالتالي؛ عيار 24 سجل حوالي 5303 جنيهات، وده العيار الأنقى والأعلى سعرًا في السوق، بالنسبة لعيار 18، فهو المناسب للشباب وأصحاب الذوق العصري، وسعره النهارده وصل 3977 جنيه، وبالنسبة لعيار 14، فسجّل 3093 جنيه، أما عن الجنيه الذهب اللي بيهتم بيه المستثمرين الصغار، فاستقر على 37120 جنيه.
تغييرات في الأسعار العالمية وتأثيرها المحلي
على الصعيد العالمي، انخفض سعر أونصة الذهب الأسبوع اللي فات بحوالي 2.4% ووصل لأدنى مستوياته من أسبوعين عند 3201 دولار للأونصة، قبل ما يقفل الأسبوع عند 3240 دولار، ده كله حصل بعد ما كانت الأونصة في بداية الأسبوع على مستوى 3326 دولار، وده وفقًا لتحليل شركة جولد بيليون، أصحاب الخبرة بيأكدوا إن التوقعات حوالين قرب حصول اتفاقات تجارية ما بين الولايات المتحدة الأمريكية والصين وشركاءها التجاريين ممكن يخلي سعر الأونصة ما يطلعش فوق 3500 دولار في الفترة الجاية، خصوصا لو تم الإعلان فعلا عن صفقات تجارية جديدة وحقيقية.
كل المؤشرات بتقول إنه رغم الهدوء في الأسواق وعزوف بعض الناس عن الشراء أو البيع، إلا أن نظرة الترقب والتخوف لا تزال موجودة، وكل العيون على آخر أخبار الذهب عالميا ومحليا.
