الدولار يواصل الصعود تفاصيل سعر الدولار اليوم الثلاثاء 6-5-2025 أمام الجنيه المصري بالبنوك
في صباح يوم الثلاثاء وسط ترقب المواطنين اللي عايزين يعرفوا أسعار الدولار، شهدت البنوك المصرية حالة من الاستقرار النسبي في سعر صرف العملة الخضراء مقابل الجنيه المصري، كتير من الناس والصرافين راحوا يتابعوا الشاشات ويشوفوا آخر تحديثات الأسعار اللي بتتغير كل دقيقة، وده في اللحظة اللي بقت الأسعار فيها حديث القعدة عند المصريين، سواء في البيوت أو في الشارع أو حتى في قهاوي وسط البلد.
تحركات سعر الدولار في البنوك المصرية
جاءت أسعار الدولار النهاردة عند مستويات قريبة جدا من بعضها في مختلف البنوك، مع اختلاف بسيط جدا لا يتعدى القروش بين بنك والتاني، حيث سجل سعر الدولار في البنك المركزي المصري النهاردة 50.61 جنيه للشراء و50.74 جنيه للبيع، وده يعتبر تقريبا نفس المعدل اللي استقر عليه السوق اليومين اللي فاتوا.
أما في البنك الأهلي المصري وكمان بنك مصر وبنك القاهرة، السعر كان موحد وسجل 50.62 جنيه للشراء و50.72 جنيه للبيع، يعني لو حد نازل يغيّر عملة من أي فرع من الفروع الكبيرة دي، هيلاقي نفس السعر تقريباً.
البنك التجاري الدولي وبنك الإسكندرية
أما لو اتجهنا لواحد من أكبر البنوك الخاصة في مصر، زي البنك التجاري الدولي CIB، هنلاقي إن سعر شراء الدولار سجل 50.63 جنيه، وسعر البيع 50.73 جنيه، الحالة دي بتعكس المنافسة بين البنوك في تقديم أسعار قريبة للمستهلك مع اختلافات لا تُذكر، وفي بنك الإسكندرية، تكرر نفس سعر بنوك مصر والأهلي والقاهرة: 50.62 جنيه للشراء و50.72 جنيه للبيع.
الشاهد في الموضوع إن أسعار الدولار استقرت نسبياً، وده طمن شريحة واسعة من اللي بيتابعوا السوق بشكل يومي، سواء لتسديد التزامات دولارية أو مضطرين يحولوا أموال، الكل منتظر أي حركة جديدة في السوق، خصوصاً مع الأحداث الاقتصادية اللي بتحصل داخلياً وخارجياً، ومع متابعة الأسعار عن قرب، الناس بتبقى على أمل يحصل تحسن في سعر الجنيه ويرد جزء من قوته قدام الدولار، لكن المؤكد إن الدولار لسه “ماسك نفسه” في البنوك المصرية.
