ترقب الأسواق لقرارات الفيدرالي يرفع توقعات أسعار الذهب في مصر
تشهد أسواق الذهب في مصر حالة من هدوء الترقب النهاردة، مع استقرار الأسعار بشكل نسبي وسط ترقب كبير من جانب المستثمرين والمواطنين، وده في انتظار أي تطورات جديدة ممكن تحصل على الساحة العالمية بسبب قرارات البنك الاحتياطي الفيدرالي الأمريكي، المصريين، سواء تجار أو مواطنين عاديين حابين يعرفوا سعر الدهب النهاردة وهل هيطلع ولا هينزل الفترة الجاية، خصوصا وإحنا في فترة كل الناس فيها بتفكر أكتر من مرة قبل ما تبيع أو تشتري.
أسعار الذهب في مصر اليوم
استقرت أسعار الدهب في محلات الصاغة عند مستويات قريبة من الأسبوع اللي فات، وده لعدة أسباب منها حالة الترقب في السوق وتوقف عمليات الشراء الكبيرة لحد ما الصورة تتضح مع قرارات جيروم باول، رئيس الفيدرالي الأمريكي، الأسعار جت كالتالي:
- عيار 24 سجل حوالي 5542 جنيه للجرام
- عيار 21، اللي هو الأكثر تداول في السوق المصرية، حوالى 4850 جنيه للجرام
- عيار 18 وقف عند 3233 جنيه
- الجنيه الذهب سعره حوالى 38800 جنيه مصري
تأثير السياسات العالمية على الأسعار المحلية
المتابعة العالمية مستمرة لاجتماع الفيدرالي الأمريكي اللي هيعلن اليوم قراراته والكل مستني يسمع تصريحات باول عشان يفهم اتجاه البنوك المركزية إيه، خصوصا لما بيتكلموا عن موضوع أسعار الفايدة، وبعدما البنك الفيدرالي قرر الفترة اللي فاتت يثبت الفايدة بين 4.25% و 4.50%، بقى في قلق من أي تغيير مفاجئ ممكن يحرك أسعار الدهب ـ يا إما ينزلها أو يرفعها بصورة مفاجئة.
ارتباط سعر الذهب بالدولار والعرض والطلب
في مصر، سعر الدهب مرتبط مباشرة بسعر الدولار مقابل الجنيه، وحركة سعر الدهب العالمي كمان بتلعب دور مهم في تحديد الأسعار هنا، وكمان الطلب والعرض في السوق المحلية خصوصا في المواسم والمناسبات مهم جدا، عيار 21 هو الأساس في المعاملات، وقال الصاغة إن الإقبال عليه في المناطق زي الصعيد والدلتا كبير.
الخلاصة، الكل مستني إشارة من الفيدرالي الأمريكي عشان يقرر خطوته الجاية، وسوق الدهب المصري متعلق بشكل مباشر بأي تغيير عالمي، ده غير تأثيرات الدولار وسلوك المشترين والمستثمرين المحليين.
