تشيلسي يجهز عرض ناري لضم فيرمين لوبيز من برشلونة بالصيف
صحف إنجليزيه كشفت صباح النهارده إن نادي تشيلسي ناوي يدخل مفاوضات رسميه مع برشلونة علشان يضم فيرمين لوبيز في الصيف الجاي، واللي لسه بيبدأ يشق طريقه مع الفريق الكتالوني.
التقارير بتقول إن تشيلسي هيقدم عرض قيمته حوالي ٤٠ مليون يورو، وده رقم مش قليل بالنسبه للاعب شاب عنده ٢١ سنه ولسه مابقالوش كتير في الفريق الأول، بس الواضح إن الإداره اللندنيه شايفه فيه إمكانيات كبيره تستحق المبلغ ده.
وفي نفس الوقت، أتلتيكو مدريد كمان مهتمين بضم اللاعب، وسيميوني بيحب النوعيات اللي زي لوبيز، شباب موهوبين وعندهم روح قتاليه في نص الملعب.
فيرمين بدأ ياخد فرص أكتر مع برشلونة الفتره الأخيره وقدم مستويات ملفته في كذا ماتش، وده اللي خلا الأنظار تتجه نحوه من كذا نادي كبير.
الايام الجايه ممكن تشهد صراع بين تشيلسي وأتلتيكو، وساعتها هيتحدد هل برشلونة هيفرط فيه ولا هيتمسك بيه ويخليه مشروع نجم للمستقبل.
