خيسوس يرد على شائعات رحيله للهلال ويطمئن الجماهير برسالة واضحه
أثار المدرب البرتغالي خورخي خيسوس، مدرب الهلال السعودي، تفاعل كبير بين جماهير الزعيم بعد ما نفى بنفسه كل الشائعات اللي طالت مستقبله وقالو إنه راح يترك الفريق ويروح يدرب منتخب البرازيل.
القصه بدت لما اقترب منه مشجع هلالي وطالبه إنه يبقى وما يترك الفريق، خيسوس ما تأخر ورد عليه بقوه وقال: “أكيد لا، ماراح أرحل، كل اللي ينقال مجرد كلام فاضي” وكمان عمل اشاره بيده على فمه كنوع من التأكيد إن كل الأخبار اللي تطلع مجرد اشاعات مالها أي أساس.
تصريح خيسوس جاء بعد الفوز الكبير اللي حققه الهلال على غوانغجو الكوري، يوم سحقوهم بسباعية نظيفه، هذا الانتصار عزز ثقة الجمهور والمدرب بالمشروع الهلالي، وخلاهم يحسون بالطمأنينة إن خيسوس مستمر مع الفريق ومركز على البطولات الجايه.
الجماهير الهلاليه تفاعلت بشكل واسع مع تصريح خيسوس وطالبوه إنه يركز على تحقيق كل البطولات الموسم هذا خصوصاً إن الفريق في قمة مستواه ومعاه توليفه من أفضل اللاعبين محليين وأجانب.
واضح من رد خيسوس إنه متمسك بالهلال وإنه مصمم يواصل المشوار ويكتب تاريخ كبير مع الزعيم.
