ريال مدريد يفكر يضحي بفينيسيوس أو رودريجو علشان ساكا
كشفت تقارير صحفيه مساء الاحد، إن ريال مدريد ناوي يقدم عرض ضخم للتعاقد مع نجم أرسنال بوكايو ساكا في الصيف الجاي، بس بشرط يبيع واحد من نجمينه فينيسيوس جونيور أو رودريجو جوس.
ساكا عنده 23 سنه، وبيعتبر واحد من أحسن الأجنحه ف العالم دلوقتي، بسرعته العاليه ومهاراته الفرديه اللي تخليه يصنع أهداف ويسجل كمان.
علشان كده سعره ف السوق عالي جدا، واللي حياخده لازم يدفع مبلغ كبير.
فينيسيوس معروف بسرعته ومهاراته اللي تخليه يخترق أي دفاع، ورودريجو بيتميز بإنه يقدر يلعب في كذا مركز وسجل أهداف حاسمه كتير مع الميرينجي.
ريال مدريد بيشوف إن ساكا ممكن يكون صفقة استثماريه كبيره لو قرر يفرط في واحد من جناحيه البرازيليين، لكن القرار مش سهل، خصوصًا وإن الاتنين ليهم تأثير كبير على الفريق.
حتى الآن مافيش حاجه رسميه، بس الواضح إن الصيف ده حيبقى مشتعل ف الميركاتو، والعيون كلها على مدريد وتشوف حيتصرفوا إزاي.
