ريال مدريد يكسر قاعدته ويجدد عقد كورتوا لسنتين إضافيتين

حسب اللي طلع من شبكة Relevo، ريال مدريد قرر يجدد عقد حارسه البلجيكي تيبو كورتوا لسنتين إضافيتين، بخطوه تعتبر استثنائيه من إدارة النادي، خصوصًا إنه كورتوا عمره تعدى الـ30، والنادي معروف إنه ما يجدد أكثر من سنه للي فوق هالعمر.

لكن مع كورتوا الوضع مختلف، لأنه لاعب له ثقله ودايم يقدم مستويات كبيره، غير إنه عنصر استقرار مهم بالفريق، والإدارة وفلورنتينو بيريز شايفين إنه يستحق هالخطوه عشان يظل الحارس الأول لسنين جايه.

كورتوا أصلاً جدد عقده في أغسطس 2021 إلى 2026، والحين بالتمديد الجديد راح يكمل إلى 2028، وهذا دليل على الثقه الكبيره اللي يحظى فيها داخل النادي، خصوصًا بعد العروض اللي وصلت له من أندية ثانيه برا إسبانيا.

القرار يعتبر استراتيجي بالنسبه للريال، خصوصًا إن مركز الحراسة حساس، ومع وجود كورتوا ما في داعي يدورون على بديل فالفترة الجايه.

النادي حسم ملفه من بدري، وخطوه زي كذا تعطي الفريق أريحيه وثبات بالمستقبل.