قفزات أسعار الأسمنت اليوم الأحد 4 مايو 2025 وسط تداولات واسعة حول سعر الطن الذي سجل 3350 جنيها
استقرت أسعار الأسمنت في مصر اليوم الأحد الموافق 4 مايو 2025 وسط حالة من الترقب في السوق وأسئلة الناس المستمرة عن أي تغييرات ممكنة تحصل على الأسعار، ناس كثير كانت مستنية زيادة جديدة، بس الأسعار فضلت ثابتة تقريبا وقريبة جدا من اللي كانت عليه الفترة اللي فاتت، وهذا رغم توقعات ناس في السوق إنها تزيد حوالي 100 جنيه في الطن.
سعر طن الأسمنت دلوقتي في أرض المصنع بيبدأ تقريبا من 3000 جنيه وبيوصل للمستهلك في بعض المناطق لحد 3350 جنيه، وكل ده بيعتمد على نوع الشركة المنتجة ونوعية الأسمنت نفسه، الناس اللي بتشتغل في مجال البناء بتتابع الأسعار دي كويس جدا لإن الأسمنت هو أساس أي مشروع كبير أو صغير، ومفيش بديل له في الصناعة دي.
استقرار في الأسواق المحلية
قال أحمد الزيني، رئيس شعبة مواد البناء بالغرفة التجارية في القاهرة، إن أسعار الأسمنت مستقرة جدا حاليا بعد ما حصلت شوية زيادات بسيطة الفترة اللي فاتت تراوحت من 30 جنيه لحد 100 جنيه زيادة في الطن حسب كل شركة، هو وضح كمان إن الشركات وفرت كميات كبيرة في السوق وده ساعد إن الأسعار ماترتفعش زيادة، والكل متوقع إن الأسعار تفضل زي ما هي على الأقل الشهر الجاري.
زيادة ملحوظة في التصدير والإنتاج المحلي
من ناحية تانية، صادرات مصر من الأسمنت شهدت هي كمان نمو ملحوظ على مدار السنين اللي فاتت، بدأت بحوالي 465 مليون دولار في 2021، وارتفعت لـ 670 مليون دولار في 2022 بنسبة نمو وصلت تقريباً لـ 44%، وكملت الصعود السنة اللي بعدها وسجلت 770 مليون دولار في 2023 ثم 780 مليون دولار في أول عشرة شهور من 2024، بنسبة نمو حوالي 12%، فيه حوالي 95 دولة بتستورد الأسمنت المصري، والدول الأفريقية هي المشتري الأكبر، بحسب بيانات المجلس التصديري لمواد البناء.
وفرة في السوق المحلي
من ناحية الكميات، السوق المصري فيه وفرة أسمنت بشكل واضح، وده بيساهم في الحفاظ على الأسعار وتوازنها بين جميع الموزعين، وبحسب إحصائيات البنك المركزي المصري، إنتاج مصر من الأسمنت ارتفع كمان من 23.3 مليون طن في أول سبعة شهور من 2023 إلى 25.39 مليون طن في نفس الفترة من السنة دي، يعني حوالي زيادة 2 مليون طن تقريبا.
في النهاية، سوق الأسمنت في مصر بيشهد هدوء واستقرار كبيرين اليوم، ولسه الناس وأصحاب المشاريع متابعين الوضع بحذر خصوصا في ظل التقلبات الاقتصادية اللي بتحصل حوالينا كل يوم.
