قفزة الذهب اليوم: أسعار الذهب في مصر الإثنين 5 مايو 2025 وفقا لآخر التحديثات
في ظل حالة القلق اللى بتعيشها الأسواق المالية العالمية اليوم، كثير من الناس في مصر بقوا مهتمين بمتابعة تطورات سعر الذهب، خصوصا بعد القرارات الجديدة من الحكومة الأمريكية عن زيادة التعريفات الجمركية، واللي أثرت بشكل ملحوظ على أسواق الذهب العالمية، النهاردة الاثنين الموافق خمسة مايو 2025، لاحظنا تقلبات واضحة جدا في أسعار الذهب بسبب الأجواء المضطربة في البورصة العالمية وتغير الأسعار بشكل كبير، وده بيخلي الناس في حالة ترقب دائم، سواء اللى عندهم مدخرات أو اللى بيدوروا يستثمروا في الدهب.
أسعار الذهب اليوم في مصر
وصل سعر جرام الذهب عيار 24 حوالي 5382.86 جنيه، بينما سعر الجرام عيار 21 – اللي يعتبر الأكثر انتشارا وإقبالا في السوق المصري – سجل 4710.00 جنيه، كمان عيار 18 النهاردة سجل سعر 4037.14 جنيه، والعيار 14 وقف عند 3140.00 جنيه تقريبا، أما الجنيه الذهب فسعره وصل 37720 جنيه، وده يعتبر رقم كبير ويعكس حجم الصعود اللى حاصل في المعدن الأصفر اليومين دول.
التغييرات والتقلبات العالمية بتأثر على السوق المحلي
عامل تاني أثر بشكل مباشر على الأسعار هو حالة التوتر الناتجة عن تصريحات وقرارات الرئيس الأمريكي دونالد ترامب، واللي رفع فيها التعريفات الجمركية بشكل مفاجئ، قراراته خلقت نوع من الضبابية بخصوص الوضع الاقتصادي العالمي، وزادت المخاوف من بداية حرب تجارية جديدة بين أمريكا ودول تانية، كل ده قدى لتذبذب يومي في سعر الدهب اللى ممكن يتحرك بفارق من 15 إلى 20 جنيه صعود أو نزول في اليوم الواحد.
مهم جدا نوضح للناس إن الأسعار اللي بنتكلم عليها دلوقتي ممكن تتغير في أي لحظة حسب حركة البورصة العالمية وتغيرات السوق المحلي، وطبعا كل اللي بيشتري لازم يحسب كمان مصاريف المصنعية والضريبة والدمغة، غير سعر الذهب نفسه، السوق في حالة ترقب، وماحدش يقدر يتوقع بكرة هيكون في تغييرات جديدة ولا لأ، خصوصا في ظل الظروف العالمية الحالية.
