قفزة جديدة بأسعار الذهب اليوم السبت 3 مايو 2025 وعيار 14 يسجل 3100 جنيه بدون مصنعية
يعيش سوق الدهب في مصر حالة من الترقب الشديد وسط الأهالي والمستثمرين، الكل بيدور ورا أسعار الدهب لحظة بلحظة، خصوصا بعد اللي بيحصل في الأسواق العالمية والأحداث السياسية اللي بتأثر بشكل كبير على تحركات المعدن الأصفر، والحكاية مش بس في مصر، ده العالم كله متابع، لأن أسعار النفط والسياسات النقدية وكمان تقلبات أسعار الدولار وكل العملات الكبيرة، بقوا هم اللي بيحددوا اتجاه الأسعار ورغبة الناس في الاستثمار في الدهب أو حتى تسييله عند الحاجة.
والناس في مصر مش بتتفرج بس، الكل خايف من أي قرار أو تصريح ممكن يقلب الموازين، خصوصا بعد ما سمعنا عن قرارات الرئيس الأمريكي دونالد ترامب بزيادة التعريفات الجمركية على بعض المنتجات، يعني ممكن في أي لحظة تنهار الأسواق أو تحصل حرب تجارية جديدة بين الكبار، وكل ده بيرجع تأثيره على أسعار الدهب اللي بنشوفها قدامنا يوميا.
أسعار الذهب في مصر النهاردة
أسعار الدهب في مصر يوم السبت 3 مايو 2025 بتبان فيها حركة كبيرة، والناس بقت تسأل: الأسعار دي آخرتها إيه؟ لو حد بفكر يشتري أو عايز يبيع لازم يبقى عارف أن كل الأسعار اللي منشورة قابلة للتغير في أي لحظة، والسوق مش ثابت خالص.
- عيار 24: السعر للجرام وصل 5314.29 جنيه
- عيار 21: الجرام بقى بـ 4650 جنيه مصري
- عيار 18: 3985.71 جنيه للجرام
- عيار 14: سعر الجرام حاليا 3100 جنيه بدون مصنعية
تفاصيل لازم تعرفها وانت بتشتري أو تبيع
كل اللي بيتم نشره من أسعار، مش السعر النهائي اللي هتدفعه أو تاخده، في مصنعية، وضرايب، وكمان دمغة بتتحسب على المشتريات، يعني لو بتشتري أو ناوي تبيع، لازم تتأكد من كل التفاصيل دي لأن السعر ممكن يتغير في نفس اليوم كذا مرة علشان مرتبط بالأسعار العالمية اللي بتتغير بالدقيقة، في النهاية، سوق الدهب بقى مشهد كبير بيتحكم فيه عوامل داخلية وخارجية، وكل مصري لازم يكون متابع عشان يعرف يتحرك صح في الوقت المناسب.
أسعار الذهب اليوم، ترامب، سوق الذهب في مصر، الحرب التجارية، عيار 14
