قفزة جديدة للذهب اليوم الاثنين 5 مايو 2025 مع ارتفاع الجنيه الذهب إلى 37,080 جنيه في مصر
تشهد الأسواق المصرية حالة من الترقب بسبب التحركات المستمرة في أسعار الذهب، وسط اهتمام كبير من المواطنين والمستثمرين الذين يتابعون كل جديد في سوق الذهب لحظة بلحظة، الأيام دي، بقى كل واحد عايز يشتري شبكة أو يحتفظ بمدخراته في شكل ذهب، بيسأل كل يوم: بكام النهارده؟ الكل بقى متابع حركة الأسعار اللي بقت شبه كرة نار، مابتثبتش خالص وبتتأثر بأصغر خبر عالمي يخص الاقتصاد أو قرارات السياسة الدولية.
أسعار الذهب في مصر اليوم
من المعروف أن سوق الذهب في مصر مرتبط بشكل مباشر بأسعار البورصة العالمية، وأي تغيير في حجم الإنتاج العالمي أو حتى استهلاك المصانع للذهب بيأثر فورًا على الأسعار هنا، النهارده الاتنين، أسعار الذهب شهدت استقرار نسبي مقارنة بالأيام اللي فاتت، وده بعد موجات ارتفاع قوية شافها السوق المصري مؤخرًا،
حسب آخر التحديثات، سجل عيار 24 النهارده 5,297 جنيه للجرام، وده أعلى سعر للعيارات كلها، أما العيار الأكتر تداول، اللي هو عيار 21، فجاء عند 4,630 جنيه للجرام، سعر عيار 18 وصل 3,972 جنيه، و عيار 14 سجل 3,090 جنيه للجرام، وده غير إن الجنيه الذهب سجل سعر 37,080 جنيه.
تأثر السوق المصري بالاقتصاد العالمي
اللي زوّد قلق الأسواق مش بس التغييرات المحلية، كمان فيه مخاوف عالمية بسبب قرارات جديدة أعلن عنها الرئيس الأمريكي دونالد ترامب بخصوص زيادة الرسوم الجمركية، الكلام ده، حسب رأي الخبراء، ممكن يشعل حرب تجارية تؤثر على كل الأسواق، والذهب كالعادة أول من يتأثر بأي ظروف اقتصادية أو سياسية، الناس هنا بقت حريصة أكتر من أي وقت فات إنها تتابع الأخبار أول بأول، وبتحسب كل خطوة قبل ما تقرر تشتري أو تبيع.
وسط كل ده، مازال الذهب هو المَلجأ الآمن لكل واحد بيدوّر على استثمار مضمون أو حتى حفظ لقيمة أمواله في وسط الظروف اللي مابقتش مفهومة.
