قفزة ذهبية اليوم أسعار الذهب في الإمارات 8 مايو 2025 لعيار 21 تصل إلى 361.25 درهم
يشهد سوق الذهب في دولة الإمارات حالة من الترقب وسط تقلبات طفيفة جديدة في الأسعار شغلت بال المواطنين والمستثمرين في البلد، خصوصا بعد الارتفاعات الملحوظة اللي حصلت في الشهور الأخيرة، ناس كتير بقوا يتابعوا أخبار الذهب يوم بيوم لأن المعدن الأصفر مش بس للحلي والمصوغات، لكنه كمان واحد من أهم الأدوات الاستثمارية اللي بيلجأ ليها الناس عشان يحافظوا على قيمة أموالهم، خصوصا في ظل التوترات الاقتصادية اللي بتأثر على العالم كله.
أسعار الذهب اليوم في سوق الإمارات
وصل سعر الذهب النهاردة الخميس 8 مايو 2025 في الإمارات لمستويات مختلفة حسب العيار، سعر عيار 24 سجل حوالي 406.75 درهم للجرام، وعيار 22 جاب 376.75 درهم، أما عيار 21 – واللي عليه أكبر طلب بين الناس – فسجل 361.25 درهم للجرام، والعيارات الأقل زي عيار 18 وصلت لـ 309.50 درهم، وعيار 14 بقى بـ 239.50 درهم، وعيار 12 بـ 205.25 درهم للجرام، أما الأونصة فكسرت حاجز الـ 12651.25 درهم، بينما الجنيه الذهب جاب 2890.00 درهم تقريبا، وثبتت الأونصة عالميا حوالى 3387.42 دولار.
تأثير التقلبات العالمية على أسعار الذهب
الجدير بالذكر إن أسعار الذهب في الإمارات بتخضع لتغيرات كبيرة بسبب عوامل كتير، منها حالة الاقتصاد العالمي وأسعار الذهب برا، وكمان أخبار السياسة العالمية اللي بتأثر على كل الأسواق، الاتجاه العام دلوقتي صعودي وناس كتير بترجح إن الأسعار ممكن تفضل ترتفع لو استمرت حالة القلق في الأسواق، خاصة مع تشديد الرئيس الأمريكي دونالد ترامب مواقفه تجاه الرسوم الجمركية ورفضه التسهيلات في المفاوضات مع أكبر الشركاء التجاريين زى الصين واليابان ودول تانية، كل ده بيخلي الذهب في الإمارات دايما تحت الضوء كمؤشر مهم وأساسي لأي حد مهتم بالاستثمار أو حتى مجرد متابعة حركة السوق.
