قفزة مفاجئة بأسعار الذهب اليوم في مصر السبت 10 مايو 2025
في يوم هادئ من أيام السبت، عيون الناس كلها بقت على أسعار الدهب في مصر، وفي الشارع الناس بتسأل وتدور: هو الدهب طالع ولا نازل يا ترى؟ دهب النهاردة بقى حديث السوشيال ميديا والصاغة، خصوصا مع الأحداث اللي بتحصل برة البلاد، وخصوصا كمان التوتر الواضح دلوقتي ما بين أمريكا والصين، بقى فيه حالة ترقب بين المستثمرين والناس اللي مخزنة دهب، الكل مستنى يشوف ايه اللي هيحصل في مفاوضات الدولتين، عشان ده فعلا هيحدد شكل السوق الفترة اللي جاية.
أسعار الدهب في مصر اليوم
النهاردة السبت 10 مايو 2025، ووفقا لآخر تعاملات، سجل جرام الدهب عيار 24 حوالي 5411 جنيه، بينما عيار 21 وصل 4735 جنيه، أما جرام عيار 18 فبقى 4058 جنيه، وعيار 14 سجل 3156 جنيه، كمان الجنيه الدهب نفسه حقق 37880 جنيه،
توقعات وتحركات السوق
السوق كله مركز دلوقتي على مستوى 3300 دولار للأونصة عالمياً، لو حصل فعلا واتفقوا بكين وواشنطن على صفقة تريح السوق وتخلي المستثمرين يطمنوا، أسعار الدهب ممكن تهبط بسهولة تحت الرقم ده وممكن نلاقي موجة نزول كبيرة، لكن لو الاتفاق جه دون توقعات الناس أو جاب العكس، المستوى ده هيتحول لنقطة انطلاق قوية جدا لسعر جديد ممكن يوصل للرقم التاريخي 3500 دولار للأونصة.
تصريحات منتظرة وأخبار مهمة
منتظرين النهاردة برضه تصريحات مهمة من أعضاء مجلس الاحتياطي الفيدرالي الأمريكي، هيعلنوا ازاي شايفين الأوضاع الاقتصادية والسياسة النقدية بالذات بعد قرار تثبيت سعر الفايدة الأخير، وده طبعا وسط قلق من زيادة التضخم وزيادة نسبة البطالة.
تدفقات غير مسبوقة لصناديق الدهب
بالنسبة لصناديق الاستثمار اللي بتشتري دهب، أعلن مجلس الذهب العالمي انها سجلت تدفقات قوية في أبريل وصلت لـ 115.3 طن، وده أعلى معدل من مارس 2022، الأصول المدارة في الصناديق دي بلغت قيمتها دلوقتي حوالي 379 مليار دولار، بزيادة شهرية عشرة في المية، للخامس شهر على التوالي، وده راجع بشكل أساسي لتدفقات آسيا اللي استحوذت على أكتر من 69 طن، وأمريكا الشمالية حوالي 44 طن، أما أوروبا فسجلت تراجع خفيف.
كده سوق الذهب في مصر والعالم مترقب، وكل يوم فيه جديد، والناس بتابع لحظة بلحظة لأن الدهب بقي مش مجرد زينة، ده أمان وملاذ وقت الأزمات.
