قفزة مفاجئة بأسعار الذهب عيار 24 يسجل رقما قياسيا جديدا عند 5520 جنيها
سادت حالة من الجدل اليوم في سوق الذهب المصري بعد ارتفاع مفاجئ جديد في الأسعار، حيث فوجئ كثير من المواطنين اللي كانوا بيفكروا يشتروا دهب أو اللي عندهم مناسبات سعيدة في الأيام الجاية بقفزة مش بسيطة في أسعار المعدن الأصفر، وقال عدد من التجار وأصحاب محال الذهب إن حركة البيع والشراء زادت نسبيا مع بداية الأسبوع، رغم الزيادة اللي خلّت ناس كتير مترددة ومش قادرة تاخد قرار الشراء بسرعة.
أسعار جديدة وصادمة للذهب في مصر
سجل عيار 24 النهاردة مستوى قياسي جديد وصل عنده لـ 5520 جنيه للجرام، وده أعلى سعر وصله في الفترة الأخيرة، كمان عيار 22 النهاردة أصبح بـ 5060 جنيه، بينما حقق عيار 21 الأكثر شعبية وانتشارًا في مصر سعر 4830 جنيه، أما عيار 18 فبلغ سعره 4140 جنيه للجرام، وفيه كمان عيار 14 اللي بيبدأ يشد انتباه بعض الناس، وصل سعره لـ 3220 جنيه للجرام، أما بالنسبة للجنيه الذهب، فسجل سعره 38640 جنيه دفعة واحدة.
الأسعار من غير ضريبة أو مصنعية
لازم نذكّر اللي بيفكروا يشتروا دهب إن الأسعار اللي بنقولها دي من غير الضريبة أو المصنعية، ودي أرقام متغيرة من محل لمحل حسب الشغل وسعر السوق، مع وجود خصم دايمًا وقت البيع ممكن يوصل لغاية 2%، وأكد التجار إن في حالة استنفار في السوق بسبب التغيرات العالمية المستمرة في سعر الدولار وأسعار الفائدة الأمريكية، واللي بتأثر بشكل غير مباشر على السوق المحلي والطلب على الدهب هنا.
في النهاية، بين التغيرات العالمية وحالة القلق في الأسواق، واضح إن المشهد الاقتصادي في مصر هيستمر فيه التوتر لفترة، ويفضل دايمًا المتابعة اليومية قبل أي قرار بيع أو شراء عشان السوق بيتغير بسرعة كبيرة.
